माओवादीको एकताको विकल्प छैनः आङकाजी

डिलबहादुर थोकर “ग्याम्जो”
क्वालालम्पूर/नेपाल आदिवासी जनजाति महासंघका महासचिव आङकाजी शेर्पाले दुई माओवादीको अविलम्ब एकताको विकल्प नरहेको बताएका छन् । उक्त कुरा गत मार्च १७ तारिखका दिन क्वालालम्पूरमा सम्पन्न नेपाल आदिवासी जनजाति महासंघ मलेशियाको राष्टिय महाधिवेशनको उदघाटन गर्दै बताएका हुन् ।
उद्घाटन सत्रलाई सम्बोधन गर्दै शेर्पाले आदिवासी जनजाति, उत्पिडित जनतामा माओवादीको जनयुद्धले विद्रोहको चेतना ल्याएको बताए । संघीयता, धर्मनिर्पेक्ष, गणतन्त्रको लागि माओवादीले लडेको बताउँदै शेर्पाले ढुलमुले परा नदेखाउन माओवादीलाई अग्रह गरे । धर्मनिर्पेक्ष र संघियताको पक्षमा माओवादीको अडान पहिला ठीक भए पनि अहिले आएर माओवादी ढुलमुले भएको उनको आरोप थियो ।
संविधान सभाको विघटन काँग्रेस एमालेको कारणले भएको बताउँदै महासचिव शेर्पाले भनेः “कांग्रेस एमालेले जातिय पहिचान सहितको संविधान नचाहेकोले उनीहरुले संविधान सभाको विघटन गरे ।” महासचिव शेर्पाले संविधानसभाको पूनस्र्थापनाको पक्षमा आम जनता भएपनि काँग्रेस एमाले पूनस्र्थापनाको पक्षमा नहुनुको कारण समेत बताए । “संविधानसभाको पूनस्थापना भएमा कांग्रेस–एमाले टुक्रिने, अन्तमा सिद्धिने डरले पूनस्र्थापनाका पक्षमा उनीहरु छैनन् ।” –शेर्पाले भनेः “ संविधान सभाको पूनस्र्थापना भएमा माओवादीले ल्याएको संविधान पारित हुने र माओवादीले बर्षौं सत्ता सञ्चालन गर्ने डर एमाले–काँग्रेसमा छ ।”
आगामी चुनावमा एमाले–कांग्रेस कमल थापा र चित्रबहादुर केसीको पार्टी बन्ने ठोकुवा समेत गरे । “अबको चुनावमा एमालेको २ सीट र काँग्रेसको ३ सीट भन्दा बढी हुने छैन ।” महासचिव शेर्पाको दावी थियो । “दलहरुले जातिय पहिचान सहितको संघीय संविधानमा षड्यन्त्र गरे आदिवासी जनजातिले घुँडा टेकाउने छ ।” शेर्पाले चेतावनी दिए ।
कार्यक्रममा आदिवासी जनजाति महिला महासंघको अध्यक्ष मिनी शेर्पा, पत्रकार कोपिला गौतम, विभिन्न जातिय संस्थाका प्रतिनिधिहरुले सम्बोधन गरेका थिए ।
महासंघको नेतृत्वमा आले
उद्घाटन सत्र पछि भएको बन्द सत्रले नेपाल आदिवासी जनजाति महासंघ मलेशियाको सुन्दर आलेमगरको अध्यक्षतामा नेपाल आदिवासी जनजाति महासंघ मलेशियाको गठन गरिएको छ ।